14 Mar Circular Informativa I -Cancelación dos actos colexiais
Estamos ante unha situación socio-sanitaria excepcional que se presenta como consecuencia da propagación do COVID-19. Perante esta situación a Xunta de Goberno do Colexio, seguindo as recomendacións das autoridades sanitarias acordou a cancelación da celebración de todos os actos colexias previstos para marzo e abril da nosa institución. O acordo acadouse na sesión extraordinaria urxente, celebrada o 13 de marzo de 2020.
Así mesmo co fin de evitar posibles contaxios entre os membros do noso colectivo profesional e a ciudadanía en xeral, co fin último de garantir a operatividade da nosa actividade colexial e de seguir ofrecendo os servizos prestados tanto aos colexiados como á ciudadanía, acórdanse con carácter temporal as seguintes medidas:
- A suspensión de todos os actos colexiais. Como xa se indicou suspéndese e aprázase a sesión ordinaria I/2020 da Asemblea Xeral Ordinaria así como o XI Xantar de Confraternidade previstos para o sábado 21 de marzo.
- Tamén se suspenden e aprazan o curso de Exocad previsto para o 3 e 4 de abril e o Curso Básico de Exocad previsto para os días 17 e 18 de abril.
- A atención ao colexiado realizarase de forma telefónica ou telemática, evitando no posible acudir a sede colexial presencialmente.
A data da Asemblea Xeral así como a do xantar serávos novamente comunicada unha vez sexa acordada a mesma polo Pleno da Xunta de Goberno. Podese consultar, como sempre, no email coprodega@coprodega.es, ou atopar máis información nas actualizacións desta web.
