Saúdo do Presidente

Benvido

ao teu sitio

Igual que o Colexio, a nosa web evoluciona cos tempos para prestarte o mellor servizo posible como profesional e usuario.

Agora é máis cómoda, comprensible e útil, para que poidas informarte de todas as novidades da nosa profesión de forma áxil.

A tú opinión é moi importante para facela aínda mellor: se tes algunha suxerencia sobre os contidos, recollerémola co máximo interés. Grazas pola túa participación.

Estamos aquí para o que precises.

Avelino J. Sanmartín Caamaño

A finalidade esencial do Colexio Oficial de Protésicos Dentais de Galicia é ordenar no ámbito das súas competencias o exercicio da profesión, e garantir a defensa dos intereses dos colexiados e dos usuarios dos seus servizos.

Algúns dos fins e funcións recollidos nos artigos 7º e 8º dos vixentes Estatutos son:

O Colexio Oficial de Protésicos/as Dentais de Galicia (COPRODEGA) é unha organización profesional dos/as protésicos/as dentais que exercen en Galicia.

É unha corporación de dereito público de base privada de carácter representativo, de estrutura interna e funcionamento democrático, con personalidade xurídica propia e plena capacidade para o cumprimento dos seus fins. (artigo 1º dos Estatutos).

Por ser un Colexio único no seú ámbito territorial, asume as competencias propias dos Consellos Autonómicos previstas polo artigo 25 da Lei 11/2001, do 18 de setembro, pola que se regulan os colexios profesionais da Comunidade Autónoma de Galicia.

De acordo co artigo 150.2º da Constitución Española, a Lei orgánica 16/1995, do 27 de decembro, de transferencia de competencias á comunidade autónoma galega, transfire no marco da lexislación básica do Estado,

o desenvolvemento lexislativo e a execución en materia de corporacións de dereito público representativas de intereses económicos e profesionais, completando así o ámbito competencial determinado no artigo 27.90º do Estatuto de Autonomía de Galicia.

A transferencia en materia de colexios profesionais fíxose efectiva a través do Real Decreto 1643/1996, do 5 de xullo, e asumiuse polo Decreto 337/1996, do 13 de setembro, da Xunta de Galicia.

O Colexio Oficial de Protésicos Dentais de Galicia creouse pola lei 4/1998, do 30 de xuño. A asamblea constituínte do devandito colexio elaborou e aprobou os seus estatutos, que foron aprobados definitivamente pola Administración a través do Decreto 69/2000, do 7 de abril, e modificados posteriormente polo Decreto 304/2008, do 9 de outubro.

Sede da Secretaría Técnica e lugar de atención directa aos colexiados e de reunión dos órganos de goberno.

En consonancia co establecido na Lei 11/2001, do 18 de setembro, pola que se regulan os colexios profesionais da Comunidade Autónoma de Galicia, o artigo 16º dos vixentes Estatutos establece os órganos de goberno e representación do Colexio.

A estrutura técnica, administrativa e xurídica recae na Secretaría Técnica e na Asesoría Xurídica. A estrutura básica, de acordo coa acta de proclamación da única candidatura presentada como candidatura electa, publicada no DOGA núm. 86/2009, do 05/05) está formada polos seguintes colexiados:

Os vixentes Estatutos do Colexio, sometidos a votación pola Asemblea Xeral na sesión do 17 de abril do 2004, foron aprobados polo Presidente da Xunta de Galicia mediante Decreto 304/2008, do 9 de outubro, quedando expresamente derogados os aprobados mediante Decreto 69/2000, do 7 de abril.

De acordo co establecido no artigo 27 da Lei 11/2001, do 18 de setembro, o noso Colexio por ser único e ter como ámbito de actuación a Comunidade Autónoma de Galicia, asume as funcións que a Lei atribúe aos Consellos Galegos de Colexios Profesionais.

O texto articulado dos vixentes Estatutos constitúe a adaptación esixida pola Disposición transitoria da Lei 11/2001, do 28 de setembro, de Colexios Profesionais da Comunidade Autónoma de Galicia, e caracterízase polas seguintes notas esenciais:

Onde cursar en Galicia o ciclo Formativo de FP de Grado Superior Sanidade, para obter o Título Oficial de Técnico Superior en Prótesis Dentais.