25 Mai Novo convenio de formación + Curso de introdución ao CAD/CAM
Estimado/a colexiado/a ou pre-colexiado/a:
COPRODEGA ven de asinar un convenio de colaboración co Centro de Formación Folguera Vicent, co obxectivo de seguir impulsando a formación continuada, complementaria e especializada dos nosos/as profesionais e futuros/as profesionais.
Este acordo permitirá acceder a propostas formativas de interese para o sector, con condicións moi vantaxosas.
Avelino J. Sanmartín Caamaño e Fernando Folguera Arbas na feira Expodental 2026, despois de asinar o acordo.
Como primeira iniciativa derivada deste convenio, preséntase o Curso de Introdución ao CAD/CAM, que se celebrará en xullo en Alboraya, Valencia. Trátase dunha formación orientada tanto a estudantes que desexan incorporarse ao mercado laboral cunha base práctica máis sólida, como a profesionais que queren iniciarse no ámbito CAD/CAM. Conta coa destacada colaboración do técnico e profesor José María Fonollosa, quen coa súa participación achega sempre unha garantía de rigor e calidade ás iniciativas formativas de Coprodega.
Datos destacados do curso:
- Datas: do 6 ao 10 de xullo.
- Lugar: Av. Divino Maestro, Baixo-14, Alboraya, Valencia.
- Prezo xeral: 600 €.
- Prezo especial para colexiados/as e pre-colexiados/as de Coprodega: 450 € (25% de desconto)
- Requisito de acceso á oferta: ser colexiado/a ou pre-colexiado/a.
Contidos do programa:
- Sistemas de escaneado no laboratorio dental.
- Clasificación dos sistemas CAD/CAM dentais.
- Deseño con Modellier e exocad.
- Impresión 3D.
- Fresado con M1 de Zirkonzhan.
- Prótese completa dixital.
- Prácticas guiadas e valoración dos resultados.
Para formalizar a túa inscrición diríxete a: informacion@folgueravicent.com | +34 96 186 40 73
Agardo que poidas aproveitar esta oportunidade de actualizar coñecementos e seguir medrando profesionalmente.
Recibe un cordial saúdo,
Avelino J. Sanmartín Caamaño
Presidente do Colexio Oficial de Protésicos Dentais de Galicia
