Créase o Primeiro Máster de Prótese Dental en Galicia

Créase o Primeiro Máster de Prótese Dental en Galicia

A iniciativa baixo o paraugas de Cubedental, busca brindar a un grupo de dezasete alumnos de distintos puntos da Galiza, unha formación práctica en todalas técnicas que o traballo diario non permite adquirir.

 

Un novo master acompaña ao inicio do curso 2019-2020 na profesión protésica da nosa Comunidade. Está concibido como unha formación completa, unha formación de continuación, práctica e de futuro. Trátase do primeiro máster de prótese dental de Galicia, que comeza a súa andaina este venres baixo o nome “Iniciación e perfeccionamento á prótese dental de alta estética”.

Está organizado e dirixido por José Antonio Ledo. O proxecto comezou o pasado venres, 6 de setembro en Ferrol.

A formación, conta co apoio do Colexio Oficial de Protésicos Dentais de Galicia. O presidente, Avelino Sanmartín, apoiou o acontecemento na convicción da necesidade de contribuir coa formación dos profesionais galegos no seu entorno cercano. O master está pensado cun sentido integral, vai desde as distintas técnicas básicas de elaboración de próteses dentais, ata chegar, a partir de alí, aos procesos dixitais. Impartirase durante dez meses, dous fins de semana ao mes. Os contidos abordan as áreas de escaiola, removible, área fixa e dixital.

 

A iniciativa creouse baixo o nome de Cubedental, e ten a súa explicación: “Cando ti fas un proxecto desta índole, é hermético, está cerradiño: non entra auga, non entra vento, non entra nada. E nós estamos dentro dese cubo. Porque eu, xunto cos meus compañeiros técnicos que van vir a compartir os seus coñecementos con vos, creamos unha capa protectora para vostedes”, dixo Ledo aos seus alumnos na clase inaugural.

Da cerámica ao cad-cam

José Antonio Ledo trasládase desde Cádiz onde se graduou como Técnico Protésico en 2007. Tras as prácticas e con tan só 22 anos, creou e empezou a xestionar o Laboratorio Dental San José. Continuou estudos de máster en prótese fixa, estratificación con composite, implantoloxía, caracterización e personalización de resina, perfecionamento en alta estética dental e rehabilitación dental, ademáis asistiú a innumerables conferencias de actualización con expertos punteiros nas distintas áreas de especialización.

Toda a formación obtida levou a Ledo a querer achegar a súa experiencia e formación a moitos compañeiros, impartindo cursos como profesor colaborador en institucións como no Máster de Estética e Rehabilitación Oral, da Universidade de Valladolid.

Agora na nova experiencia en Galicia, busca ser pioneiro para axudar a fortalecer ao colectivo. “O noso enfoque é chegar á máxima calidade coas novas técnicas. A un compañeiro non lle podes ensinar a coller un rato se antes non usou as técnicas básicas de cerámica. No curso imos ter moito cad- cam, pero tamén, van poder pasar por todas as técnicas e ferramentas necesarias”, afirma José Ledo.

Teoría, prácticas e master class

Espera confrontar aos seus alumnos coas necesidades reais que ten o odontólogo nunha clínica. “É moi importante tomar conciencia do que corresponde a cada un. Estamos radicalmente en contra do intrusismo e moi a favor da colaboración”.

O Máster contará con masterclass de autoridades relevantes da prótese nacional e internacional e con sesións clínicas que permitirán contribuír á formación do grupo de profesionais que xa coparon as prazas desta formación.

Quero dicir que me sentín orgulloso do Colexio de Protésicos Dentais de Galicia” –di Ledo. “Hai un forte compromiso coa formación e a independencia dos profesionais protésicos. Para min é unha honra dar esta formación nun colectivo co cal síntome tan en sintonía”.

Para o Presidente do Coprodega, Avelino Sanmartín, “a idea é permitir aos profesionais unha maior liberdade no momento de escoller as técnicas coas que prefiren traballar. Continuar o ensino recibido na formación profesional e elevar as competencias e destrezas dos protésicos, á  par que poñerllos á altura das vangardas dentais.

Eurídice Castillo



Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies

ACEPTAR
Aviso de cookies
[wp_show_posts id="1627"]