02 Xul GALARDÓN PROFESIONAL COLEXIADO 2023
Unión Profesional de Galicia, asociación á que pertence o Colexio Oficial de Protésicos Dentais de Galicia, entregou o pasado venres día 10 de maio de 2024, no Hostal dos Reis Católicos de Santiago de Compostela, os seus Galardóns Profesional Colexiado 2023.
A entrega dos Galardóns Profesional Colexiado 2023 quere recoñecer aos galardoados o seu traballo e traxectoria profesional exemplar no ámbito da actividade na que desenvolven ou desenvolveron a súa profesión. Con esta distinción pretende facer visible e recoñecer pública e conxuntamente “a excelencia dos profesionais colexiados que exercen a súa profesión en Galicia ao servizo da sociedade galega”.
Na entrega dos Galardóns “Profesional Colexiado 2023”, foi homenaxeado o colexiado Roberto Portas Moure, que foi proposto polo Pleno da Xunta de Goberno do Colexio ao amparo do acordo alcanzado na Sesión Ordinaria Nº 1/2024, celebrada o 17 de febreiro, e que estivo arroupado pola súa esposa e fillos, así como polo presidente do Colexio, Avelino J. Sanmartín Caamaño.
O presidente de Unión Profesional de Galicia, Antonio Macho Senra, destacou que os galardóns “pretenden poñer en valor a excelencia dos profesionais colexiados de Galicia” e, ao mesmo sinalou que “hoxe os protagonistas son os profesionais colexiados, en quen volcamos a nosa admiración e gratitude polo traballo ben feito e polos seus aportacións á sociedade”.
