Coprodega estrea nova web

Coprodega estrea nova web

 

O Colexio Oficial de Protésicos Dentais de Galicia presentou o seu novo sitio web no transcurso das Xornadas Formativas do sábado 5 de outubro. A nova presenza virtual está orientada ás necesidades dos protésicos no acceso á información e trámites necesarios para o desenvolvemento profesional.

O proxecto levado a cabo por EnMateria, foi presentado polo Presidente do Colexio, Avelino J. Sanmartín, acompañado da súa deseñadora, Emma Marqués. O obxectivo perseguido foi o de introducir un deseño renovado e máis actual, con maior usabilidade e cumprindo as normativas que corresponden a institucións como as nosas.

Portelo Único e Portal de Transparencia

O novo espazo aloxado en coprodega.es conta xa con dúas seccións que a fan conforme á lexislación vixente como son a: Portelo Único e o Portal de Transparencia. O primeiro é unha ferramenta que esixen as autoridades para centralizar a información e trámites perante a Administración facilitando desta forma a relación coas institucións. Contén a través dun sistema de menús acceso á información sobre a lexislación vixente, a formalización das posibles reclamacións, ou o mesmo portal de transparencia, no que se fan visible a memoria anual, os orzamentos e os convenios de colaboración.

Tamén aumenta as súas funcionalidades ao crear unha Área de Privada con información pertinente só para os colexiados aumentando así a posibilidade de interacción dos colexiados co Colexio.

 

Mellor acceso á información

No apartado do menú Colexio mellorouse a consulta aos nomes dos colexiados a través dun buscador. Tamén os impresos que faciliten a estes actualizar a situación co colexio. A sección de Novas tamén foi ideada para mellorar os seus servizos ao facilitar aos usuarios o acceso á información especializada no sector. Creáronse seccións para actualidade, eventos e cursos. Nelas os colexiados poderán facer seguimentos ás opcións de formación e ampliación da súa formación existentes.



Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies

ACEPTAR
Aviso de cookies